記憶錯亂

昨天到元朗主持工作坊，午飯時與負責的老師聯絡，希望早一點到，老師回應：「（心諗：早咁多？）係明天呀。」老懵懂，記錯日子。不過早到好過遲到，多年前參加婚宴，到場，一個認識的人都不見，靜靜打電話給姊妹問：「你地係邊？」答曰：「係屋企。」我話：「重唔嚟？」姊妹話：「飲完啦。」我問：「咁早？」答：「係擒日呀。」姊妹冇我咁好氣。早發老人痴呆，冇計。

講起記憶，昨日午飯前去睇綠簿旅友，戲好看。有人批評劇情不符事實，其實預咗啦。這部電影由主角東尼的兒子編劇，故事當然是他父親所憶述的版本，此其一。記憶當然可能有誤，老人痴呆唔出奇，此其二。其實最重要的是：此君有名你叫：Tony Lip吹水東尼。電影中，黑人男主角Dr. Shirley問東尼名字由來，東尼說因為他整天都在Bullshit。Shirley問他為何講大話，他說他不是講大話，只是講廢話。他就是靠Bullshit to get things done，所以東尼講事實不能太認真。諗真，其實我唔又係一樣靠bullshit搵飯食？

好嘞，bullshit 完畢，今次真係去工作坊嘞。

2019年1月16日