邱吉爾

我錯了。我原以為只有對歷史有興趣，不怕對白多，又冇靚仔靚女，重唔怕悶的人才會喜歡這套電影。點知：套戲的確口水多到水浸，重要大部分都係室內戲，畫面陰陰暗暗，拍戰爭，又冇得打，但竟然一啲都唔悶，重戲味十足，娛樂性豐富。此片的人物刻畫尤其出色，頭十五分鐘，寫邱吉爾的出場（其實人未出場）足為教材。而且不單寫主角好，配角也佳，幾個配角：女秘書、他的妻子、英皇，人人有戲，劇本實在寫得好。加利奧曼的演出，幾難唔攞影帝。我廿五蚊old man飛睇這個Oldman（奧曼）的演出，抵到爛。